National Registry of Historic Sites and Structures

VILLA ESCUDERO

SUMASAKOP SA MALAWAK NA LUPAING BAHAGI NG LUNGSOD NG SAN PABLO SA LAGUNA AT MGA BAYAN NG TIAONG AT DOLORES SA QUEZON. NABILI NOONG 1880 NI PLACIDO ESCUDERO, ISANG KASTILANG ASAWA NI CLAUDIA MARASIGAN. DITO NIYA KINUPKOP ANG MGA MANGHIHIMAGSIK LABAN SA MGA KASTILA AT AMERIKANO NOONG 1897–1901. DITO RIN PINATULOY NI ARSENIO, KANYANG ANAK AT ASAWA NI ROSARIO ADAP, ANG MARAMING KAWAL PILIPINO AT AMERIKANO NANG UMURONG BUHAT TIMOG NOONG 1941 AT TUMUNGO SA BATAAN; GAYUNDIN ANG MARAMI SA KANILA NANG TUMALILIS SA BATAAN. DITO PA RIN BINUO NI ARSENIO ANG ISANG PULUTONG NG MGA GERILYA LABAN SA HAPON NOONG 1942. SA PAGKUPKOP NG MAG-AMA SA MGA SUNDALO SILA’Y DINAKIP AT PINAHIRAPAN NG KANI-KANILANG KAAWAY. ISANG MAKASAYSAYANG VILLA NG KALAYAAN NOONG PANAHON NG KASTILA, AMERIKANO AT HAPON.