NHCP Photo Collection, 2023
Mariano V. Sevilla 12 Nobyembre 1839 – 23 Nobyembre 1923
MARIANO V. SEVILLA
12 NOBYEMBRE 1839 – 23 NOBYEMBRE 1923
GURO AT MANUNULAT PANRELIHIYON. ISINILANG SA TONDO, MAYNILA, 12 NOBYEMBRE 1839, MULA SA ANGKANG TAAL NA TAGA-BULAKAN. INORDINAHAN BILANG PARI, 1863. NAGSILBING PARI SA IBA’T IBANG BAYAN SA LALAWIGAN NG BULACAN. MAY-AKDA NG MGA SULATING PANSIMBAHAN SA WIKANG TAGALOG TULAD NG BABASAHING DEBOSYONAL PARA SA FLORES DE MAYO, 1867. KABILANG SA NAGSULONG NG SEKULARISASYON NG MGA PAROKYA AT KARAPATANG SIBIL AT POLITIKAL NG MGA PILIPINO. IDINAWIT SA PAG-AALSA SA CAVITE AT IPINIIT, ENERO 1872. IPINATAPON SA MARIANAS KASAMA ANG IBA PANG MAKABAYANG PILIPINO, MARSO 1872. PINAHINTULUTANG BUMALIK SA PILIPINAS, 1874. MULING IPINIIT NG PAMAHALAANG ESPANYOL NANG SUMIKLAB ANG HIMAGSIKANG PILIPINO NG 1896 SA HINALANG SANGKOT SIYA SA REBOLUSYON. HINIRANG NI PAPA BENITO XV BILANG PRELADO DOMESTICO DAHIL SA KANIYANG KATAPATAN AT PAGLILINGKOD SA SIMBAHAN NG KATOLIKO SA PILIPINAS, 1920. PUMANAW, 23 NOBYEMBRE 1923.
