National Registry of Historic Sites and Structures

SIMBAHAN NG MOLO

UNANG IPINAGAWANG YARI SA TABIQUE PAMPANGO NA MAY BUBONG NA TISA. PINALITAN NG PANSAMANTALANG SIMBAHANG YARI SA NIPA NI P. JOSE MA. SICHON, 1863. INIHARAP ANG PLANO NG PAGPAPATAYO NG SIMBAHANG BATO, 1866; INAPROBAHAN NI OBISPO MARIANO CUARTERO, 1869. ANG KASALUKUYANG SIMBAHAN NA MAY ARKITEKTURA NA ISTILONG GOTHIC RENAISSANCE AY IPINATAYO AGAD MAKARAANG APROBAHAN ANG PLANO NITO. INIAALAY SA KARANGALAN NI SANTA ANA. ITO AY NAKILALANG SIMBAHAN NG MGA KABABAIHAN DAHILAN SA MAY 16 NA IMAHEN NG MGA SANTA. DINALAW NI DR. JOSE RIZAL DAHILAN SA MGA BIBLIKONG PINTA, 1896. NAGSILBING SENTRO NG EBAKWASYON NOONG IKALAWANG DIGMAANG PANDAIGDIG. BAHAGYANG NASIRA NOONG LIBERASYON. INAYOS NI REB. P. MANUEL ALBA SA TULONG NG MGA MANANAMPALATAYA MAKARAAN ANG LIBERASYON.