NHCP Photo Collection, 2024
Remedios Gomez-Paraiso
REMEDIOS GOMEZ-PARAISO
PINUNONG GERILYA NOONG IKALAWANG DIGMAANG PANDAIGDIG AT TAGAPAGSULONG NG KARAPATANG PANGKABABAIHAN. ISINILANG SA ANAO, MEXICO, PAMPANGA, 12 HULYO 1918. AKTIBO SA PAGSULONG NG KARAPATAN NG MGA MAGSASAKA SA GITNANG LUZON. KASAPI NG FRENTE POPULAR, ANAK PAWIS AT AGUMAN DING MALDANG TALAPAGOBRA. LUMABAN SA PANANAKOP NG MGA HAPON NOONG IKALAWANG DIGMAANG PANDAIGDIG BILANG KASAPI NG HUKBO NG BAYAN LABAN SA MGA HAPON (HUKBALAHAP). PINUNO, SQUADRON 3-V NG HUKBALAHAP NA KILALA BILANG “KUMANDER LIWAYWAY.” ISA SA MGA PINUNO NG MGA GERILYA SA LABANAN SA TALAMPAS NG CAMANSI, MAYO 1943. BINIGYANG-DIIN NIYA ANG MAGAGAWA NG KABABAIHANG PILIPINO SA PAKIKIPAGLABAN PARA SA KALAYAAN NG BANSA. ISA SA MGA NAGSULONG NA KILALANIN NG PAMAHALAAN ANG MGA BETERANONG HUK AT ANG KANILANG KONTRIBUSYON MATAPOS ANG DIGMAAN. YUMAO, 15 MAYO 2014.
