NHCP Photo Collection, 2021
Leyte – Ruta ng Ekspedisyon Magallanes-Elcano sa Pilipinas
LEYTE
RUTA NG EKSPEDISYONG MAGALLANES–ELCANO SA PILIPINAS
MULA MAZAUA (LIMASAWA, SOUTHERN LEYTE), TUMUNGO ANG EKSPEDISYON PAHILAGA AT BINAYBAY ANG KAHABAAN NG PULO NG LEYTE (CEYLON AYON KAY ANTONIO PIGAFETTA, TAGAPAGTALA NG EKSPEDISYON, AT SILANI AYON KAY FRANCISCO ALBO, PILOTO NG EKSPEDISYON, 4 ABRIL 1521. TINATAYA ITO NGAYON NA BAYBAYIN NG PADRE BURGOS, MACROHON, AT MAASIN SA LALAWIGAN NG SOUTHERN LEYTE, AT NG MATALOM, BATO, HILONGOS, HINDANG, AT INOPACAN SA LALAWIGAN NG LEYTE. SINAMAHAN NI COLAMBU, RAHA NG MAZAUA, ANG EKSPEDISYON PATUNGONG CEBU UPANG MAGKARGA NG MGA PANUSTOS NA DADALHIN SA MALUKU, NOO’Y KILALANG PINAGMUMULAN NG MGA PAMPALASA (BAHAGI NGAYON NG INDONESYA).
ANG PANANDANG PANGKASAYSAYANG ITO AY PINASINAYAAN BILANG AMBAG SA PAGGUNITA SA IKA-500 ANIBERSARYO NG UNANG PAG-IKOT SA DAIGDIG.
