Carlos “Botong” Francisco

CARLOS “BOTONG” FRANCISCO

PAMBANSANG ALAGAD NG SINING. PINTOR AT MIYURALISTA. ISA SA MGA NAGSULONG NG ISTILONG MODERNISMO AT MIYURALISMO SA PILIPINAS. ISINILANG SA ANGONO, RIZAL, 4 NOBYEMBRE 1912. NAG-ARAL SA UNIBERSIDAD NG PILIPINAS, 1930-1935. NAGING TAGAGUHIT NG THE PHILIPPINES HERALD AT MANILA TRIBUNE; NAGING KATUWANG NI VICTORIO EDADES AT GALO OCAMPO, BILANG “TRIUMVIRATE OF PHILIPPINE MODERN ART,” SA PAGPINTA NG TANYAG NA MURAL NA “RISING PHILIPPINES,” 1934. NAGTURO SA UNIBERSIDAD NG SANTO TOMAS, 1938. NAGWAGI NG GINTONG GANTIMPALA PARA SA MGA OBRANG “ANGELUS” AT “KAINGIN.” NAKASAMA NI MANUEL CONDE SA PRODUKSYON NG ILANG MGA PELIKULA KABILANG ANG PAMOSONG “GENGHIS KHAN.” BINUO ANG ANGONO ATELIERS SA KANYANG PAGBABALIK SA ANGONO, 1953. SA PAREHONG TAON, ITINAMPOK ANG “FIVE HUNDRED YEARS OF PHILIPPINE HISTORY” SA INTERNATIONAL FAIR SA MAYNILA NA NAILATHALA SA PAHAYAGANG NEWSWEEK. PINARANGALAN BILANG NATATANGING ALUMNUS NG UNIBERSIDAD NG PILIPINAS, 1954. GINAWARAN NG REPUBLIC CULTURAL HERITAGE AWARD, 1964. ILAN PANG MGA TANYAG NA OBRA AY ANG “FILIPINO STRUGGLES THROUGH HISTORY,” “PAGEANT OF COMMERCE,” “FIRST MASS IN THE PHILIPPINES,” AT “PROGRESS OF MEDICINE IN THE PHILIPPINES.” PUMANAW, 31 MARSO 1969. IGINAWAD ANG ORDEN NG PAMBANSANG ALAGAD NG SINING PARA SA SINING BISWAL, 1973.