National Registry of Historic Sites and Structures

BAYAN NG OTON

ISA SA MGA SENTRO NG KALAKALAN AT KOMERSIYO SA KABISAYAAN MULA IKA-12 SIGLO HANGGANG DUMATING ANG MGA ESPANYOL. DATING KABISERA NG PROBINSYA NG OGTONG (NGAYO’Y LALAWIGAN NG ILOILO), 1570–1581. NAGSILBING DAUNGAN, PAGAWAAN NG MGA SASAKYANG PANDAGAT AT PINAGKUKUNAN NG MGA PANGANGAILANGAN SA MGA KAMPO NG MGA SUNDALONG ESPANYOL SA MOLUCCAS AT MINDANAO, IKA-16 NA SIGLO. TINANGGAP BILANG PANGATLONG MISYON NG MGA AGUSTINO SA LABAS NG MAYNILA AT CEBU, 3 MAYO 1572. LUBHANG NASALANTA SA PAKIKIDIGMA NG MGA ESPANYOL LABAN SA MGA INGLES (1593), PANANALAKAY AT PANUNUNOG NG MGA OLANDES (1630), AT PAGLUSOB NG MGA MORO NA TUTOL SA PANANAKOP NG MGA ESPANYOL SA MINDANAO (1662).