National Registry of Historic Sites and Structures

MAYOYAO
LANDAS NG PAGKABANSANG PILIPINO, 1900

SA POOK NA ITO, NGAYO’Y BAYAN NG MAYOYAO, IFUGAO, LUMAGI SI EMILIO AGUINALDO, PANGULO NG UNANG REPUBLIKA NG PILIPINAS, AT ANG KANIYANG HUKBO HABANG IPINAGTATANGGOL ANG KALAYAAN AT PAGKABANSA NG MGA PILIPINO, 1-3 ENERO 1900. DITO SILA KUMAIN AT NAGPAHINGA MATAPOS SILANG MAMATAAN NG PUWERSANG AMERIKANO SA KABUNDUKAN. NILISAN UPANG MAGTUNGO SA ISABELA KUNG SAAN IPAGPAPATULOY ANG PAG-IRAL NG PAMAHALAANG PILIPINO, 3 ENERO 1900. BILANG PAGKILALA SA AMBAG NG IFUGAO SA PAGPAPALAWIG SA BUHAY NG UNANG REPUBLIKA NG PILIPINAS, ITINATAG MULA SA ILANG BARANGAY NG MAYOYAO ANG BAYAN NG AGUINALDO, IFUGAO SA BISA NG BATAS PAMBANSA BLG. 86, 20 SETYEMBRE 1980.